Hægt er að sækja um í gegnum umsóknarferlið hér að neðan. Klettur ábyrgist að fyllsta trúnaðar sé gætt með allar umsóknir. Umsóknin fellur úr gildi eftir þrjá mánuði nema annars sé óskað. Umsækjandi ábyrgist að upplýsingar séu réttar og gefnar samkvæmt bestu vitund.
Boðið er upp á úrvals aðstöðu til viðgerða og viðhalds, gott tæknilegt umhverfi, ásamt miklum möguleikum á þjálfun og endurmenntun. Meðal annars stendur okkar starfsmönnum til boða að skrá sig í fjarnám við CAT U – Caterpillar University og Scania Academy TMS þar sem þeir geta sótt nám við skóla með alþjóðlega EFMD CEL vottun.
Starfsstöðvar Kletts eru sex talsins. Húsnæði félagsins í Klettagörðum 8-10 er stærst en það er sérhannað fyrir starfsemina og þá úrvalsþjónustu sem Klettur státar af. Klettur Norðurland opnaði á Akureyri árið 2018 en þar er rekin varahlutaverslun og þjónustuverkstæði. Hjólbarðaverkstæði Kletts eru í Klettagörðum, Suðurhrauni Garðabæ, Lynghálsi og í Hátúni og hjólbarðalager í Holtagörðum. Viðskiptavinir í öðrum landshlutum koma ekki að tómum kofanum hjá Kletti því félagið er í samstarfi við þjónustuaðila víða um land auk þess sem Klettur hefur á að skipa sérútbúna þjónustubíla 10 talsins þar af einn best búna smurþjónustubíl sem völ er á tilbúna að þjónusta viðskiptavini hvar sem er á landinu. Klettur starfar samkvæmt ströngustu kröfum helstu birgja félagsins. Þannig hefur starfsemi Kletts til að mynda hlotið hæstu mögulegu einkunnir hjá Caterpillar fyrir þætti sem snúa að hreinlæti og mengunarvörnum (Contamination Control) auk þess sem hún er með fulla vottun frá Scania sem staðfestir gæði og hátt þjónustustig (Dealer Operating Standard – DOS).
Helstu styrkleikar Kletts liggja í mannauðinum en félagið hefur á að skipa metnaðarfullu og hæfileikaríku starfsfólki sem býr yfir áralangri reynslu og mikilli sérþekkingu sem nýtist á hverjum degi. Hjá Kletti eru ríflega hundrað starfsmenn í fjölbreyttum störfum. Á fimmta tug bifvéla- og vélvirkja starfa hjá félaginu og tæplega þrjátíu við hjólbarðaþjónustu. Önnur starfsgildi eru sérfræðistörf í tæknimálum og fjöldi starfa á þjónustusviði, við sölu, á lager, á skrifstofu og í yfirstjórn félagsins. Hjá Kletti er mikið lagt upp úr menntun starfsmanna. Til að mynda njóta starfsmenn verkstæðisins símenntunar sem er fólgin í fjölda námskeiða hjá helstu birgjum félagsins.
Skipurit KlettsHefur þú áhuga á að vinna hjá framsæknu sölu- og þjónustufyrirtæki? Við skoðum alla sem falla inn í góða liðsheild. Umsóknir berast þjónustustjóra og verður öllum umsóknum svarað.
Klettur leitar að öflugum sölufulltrúa til að ganga til liðs við varahlutaverslun sína. Leitað er að einstaklingi sem getur myndað sterk og góð tengsl við viðskiptavini og viðhaldið víðtæku og áhrifaríku tengslaneti innan fyrirtækis sem utan.
Klettur leitar að öflugum sölufulltrúa til að ganga til liðs við varahlutaverslun sína. Leitað er að einstaklingi sem getur myndað sterk og góð tengsl við viðskiptavini og viðhaldið víðtæku og áhrifaríku tengslaneti innan fyrirtækis sem utan.
Leitað er að aðila til að ganga til liðs við öflugt teymi bifvélavirkja á vélaverkstæði á Akureyri. Verkefnin eru fjölbreytt og spennandi í fyrirmyndar aðstöðu.
Leitað er að aðila til að ganga til liðs við öflugt teymi bifvélavirkja á vélaverkstæði á Akureyri. Verkefnin eru fjölbreytt og spennandi í fyrirmyndar aðstöðu.
Vegna góðrar verkefnastöðu og aukinna umsvifa óskum við eftir að ráða öfluga bifvélavirkja eða vélvirkja á verkstæði og smiðju okkar í Vesturhrauni Garðabæ. Um er að ræða framtíðarstarf í traustu og öruggu umhverfi.
Vegna góðrar verkefnastöðu og aukinna umsvifa óskum við eftir að ráða öfluga bifvélavirkja eða vélvirkja á verkstæði og smiðju okkar í Vesturhrauni Garðabæ. Um er að ræða framtíðarstarf í traustu og öruggu umhverfi.
