Sölustjóri CAT vinnuvéla

Gakktu til liðs við kraftmikinn hóp.

Við leitum eftir að ráða metnaðarfullan og drífandi sölustjóra CAT vinnuvéla. Um er að ræða fjölbreytt og skemmtilegt starf í góðu starfsumhverfi.  

Sækja um í gegnum Alfreð

Helstu verkefni og ábyrgð

  • Innkaup og sala á vinnuvélum og tengdum búnaði 
  • Samskipti við birgja 
  • Samskipti við viðskiptavini, öflun nýrra viðskiptavina og viðhald tengsla 
  • Tilboðsgerð og ráðgjöf 
  • Áætlanagerð 

Menntunar- og hæfniskröfur

  • Menntun sem nýtist í starfi er kostur.  
  • Reynsla af viðskiptastjórnun, sölu og/eða ráðgjöf 
  • Góðir samskiptahæfileikar, rík þjónustulund og jákvætt viðmót. 
  • Þekking og reynsla af samningatækni. 
  • Frumkvæði og sjálfstæði í starfi. 
  • Góð kunnátta og færni í Excel og DAX er kostur. 
  • Góð enskukunnátta í bæði rituðu og töluðu máli 
  • Hæfni til að vinna með öðrum og að vera góður liðsmaður innan heildarinnar. 
  • Metnaður til að ná afburðarárangri í starfi. 

Fríðindi í starfi 

  • Mötuneyti á staðnum
  • Afsláttur af vörum og þjónustu fyrirtækisins
  • Heilsueflandi styrkur
  • Sterkt og virkt starfsmannafélag

 

Óskað er eftir ítarlegri ferilskrá og kynningarbréfi þar sem kemur framfram kemur ástæða fyrir því að sótt er um starfið, ásamt upplýsingum um meðmælendur. Hvetjum við alla áhugasama um að sækja um, óháð kyni.

Umsóknarfrestur er til og með 18.desember 2022.  

Nánari upplýsingar um starfið veitir Bjarni Arnarson, framkvæmdarstjóri sölusviðs, ba@klettur.is eða 590 5110.  

FAGMENNSKA – HEIÐARLEIKI – STAÐFESTA – LIÐSHEILD

KLETTUR

Klettur er leiðandi í sölu og þjónustu vörubíla, vinnuvéla og hjólbarða. Klettur hefur öðlast jafnlaunavottun og undanfarin 8 ár hefur fyrirtækið hlotið nafnbótina Framúrskarandi fyrirtæki. Helstu styrkleikar Kletts liggja í mannauðinum en félagið hefur á að skipa metnaðarfullu og hæfileikaríku starfsfólki sem býr yfir áralangri reynslu og mikilli sérþekkingu sem nýtist á hverjum degi. Hjá Kletti eru starfa ríflega hundrað starfsmenn við þjónustu og sölu á meðal annars Scania og Caterpillar tækjum og vélum, IR loftpressum og ásamt  Goodyear, Hankook og Nexen hjólbörðum. Gildi Kletts eru heiðarleiki, fagmennska, liðsheild og staðfesta. 

CATERPILLAR

Caterpillar er  stærsta og þekktasta vörumerkið í vinnuvélaheiminum og varla er sú stórframkvæmd sem hefur verið ráðist í hér á landi sem hefur ekki haft Caterpillar vélar  á vinnusvæðinu. Vélar frá Caterpillar eru þekktar fyrir gæði og áreiðanleika. Óhætt er að segja að spennandi tímar séu framundan hjá Caterpillar sem er með um  100 ára reynslu í sjálfbærri nýsköpun. Caterpillar leggur mikla áherslu á þróun með nýja orkugjafa við mismunandi aðstæður  og er því vel í stakk búið til að takast á við margvíslegar þarfir viðskiptavina á ört vaxandi leið til minnkunar á kolefnislosun..   

Starfsemi

Starfsstöðvar Kletts eru sex talsins. Húsnæði félagsins í Klettagörðum 8-10 er stærst en það er sérhannað fyrir starfsemina og þá úrvalsþjónustu sem Klettur státar af. Klettur Norðurland opnaði á Akureyri árið 2018 en þar er rekin varahlutaverslun og þjónustuverkstæði. Hjólbarðaverkstæði Kletts eru í Klettagörðum, Suðurhrauni Garðabæ, Lynghálsi og í Hátúni og hjólbarðalager í Holtagörðum. Viðskiptavinir í öðrum landshlutum koma ekki að tómum kofanum hjá Kletti því félagið er í samstarfi við þjónustuaðila víða um land auk þess sem Klettur hefur á að skipa sérútbúna þjónustubíla 10 talsins þar af einn best búna smurþjónustubíl sem völ er á tilbúna að þjónusta viðskiptavini hvar sem er á landinu. Klettur starfar samkvæmt ströngustu kröfum helstu birgja félagsins. Þannig hefur starfsemi Kletts til að mynda hlotið hæstu mögulegu einkunnir hjá Caterpillar fyrir þætti sem snúa að hreinlæti og mengunarvörnum (Contamination Control) auk þess sem hún er með fulla vottun frá Scania sem staðfestir gæði og hátt þjónustustig (Dealer Operating Standard – DOS).

Hvernig er Klettur sem vinnustaður?