Síðasta haust var Scania með í tveimur samanburðarprófunum í Þýskalandi sem skipulagðar voru af evrópskum viðskiptatímaritum. Niðurstöður 1000 punkta prófsins (þýs. 1000 Punkte Test) og European Truck Challenge (ETC) hafa nú verið opinberaðar og Scania 540 S vörubíllinn vann þær báðar með nokkrum yfirburðum.

„Að vinna þessi samanburðarpróf er enn ein staðfestingin á leiðandi stöðu Scania á markaði,“ segir Stefan Dorski, forstjóri Scania Trucks. „Þegar sjálfstæðir og reyndir blaðamenn yfirfara alla helstu þætti á vörum okkar með vísindalegum aðferðum og bera saman við keppinauta okkar, segja niðurstöðurnar sögu sem er mjög viðeigandi fyrir mögulega kaupendur vörubíla.”

1000 punkta prófið og ETC prófið eru meðal virtustu samanburðarprófa fyrir stóra vörubíla á markaði í heiminum. Þau eru skipulögð af þýskum viðskiptatímaritum með þátttöku reyndra blaðamanna frá fleiri löndum. Eiginleikar stjórnklefa á borð við umhverfi ökumanns, svefnaðstöðuþægindi og hljóðeinangrun eru metnir, auk annarra þátta á borð við vinnslu á vegi, gírskiptingu og þjónustugetu. Vörubílarnir eru keyrðir meira en 300 km á ólíkum gerðum þjóðvega með fínstilltum eldsneytismælibúnaði til þess að staðfesta raunverulega eldsneytisnotkun eins nákvæmlega og hægt er. Hver þáttur fær síðan einkunn sem tekið er tillit til í lokaeinkunn hvers vörubíls.

„Við fáum hæsta heildareinkunn í báðum þessum prófum en ég er persónulega stoltastur af því að bíllinn okkar er með lægstu eldsneytisnotkun en samt sem áður með hæstan meðalhraða,“ segir Dorski. „Það sýnir áskapaða skilvirkni Scania í flutningum. Viðskiptavinir njóta ekki bara góðs af þessari frábæru niðurstöðu heldur er hún líka til marks um framlag okkar í baráttunni gegn loftslagsbreytingum vegna koltvísýringslosunar sem heimurinn stendur frammi fyrir.“

1000 punkta prófið, sem skipulagt er af Michael Kern, er birt í nokkrum viðskiptatímaritum, þ.á.m. Lastauto Omnibus. ETC prófið, sem skipulagt er af Hans-Jürgen Wildhage, er birt í KFZ Anzeiger og nokkrum öðrum tímaritum. Í 1000 punkta prófinu, sem haldið var í október 2020, tóku þátt auk Scania 540 S, MAN TGX 18.510 BLS og Mercedes Actros 1853 LS. Í ETC prófinu tóku þátt auk Scania 540 S, DAX XF 530, MAN TGX 18.510 BLS og Mercedes Actros 1853 LS. Öllum stóru evrópsku framleiðendunum var boðið í bæði prófin.


Upprunalega frétt frá Scania má sjá hér.

Sjá fleiri fréttir

19 febrúar, 2021

Scania 540 S vörubíllinn vinnur með yfirburðum í samanburðarprófunum

Síðasta haust var Scania með í tveimur samanburðarprófunum í Þýskalandi sem skipulagðar voru af evrópskum viðskiptatímaritum. Niðurstöður 1000 punkta prófsins (þýs. 1000 Punkte Test) og European Truck Challenge (ETC) hafa nú verið opinberaðar og Scania 540 S vörubíllinn vann þær báðar með nokkrum yfirburðum. „Að vinna þessi samanburðarpróf er enn ein staðfestingin á leiðandi stöðu […]

Lesa meir
29 janúar, 2021

Nýja árið byrjar vel fyrir CAT

Klettur – sala og þjónusta ehf. er umboðsaðili fyrir Caterpillar vinnuvélar á Íslandi. Að sögn Vilmundar Theodórssonar, sölustjóra CAT landvéla hjá Kletti, fer árið 2021 vel af stað í sölu vinnuvéla...

Lesa meir
20 janúar, 2021

Scania kynnir nýja V8-línu

Nýju V8-vélarnar frá Scania eru ekki aðeins eins kraftmiklar og hugsast getur heldur stórbæta þær einnig nýtingu á eldsneyti. Heildarsparnaður getur numið allt að sex prósentustigum, þegar nýi...

Lesa meir
23 október, 2020

Ný og spennandi jarðýta frá CAT

Nýja CAT D6 XE rafdrifna jarðýtan er nú fáanleg hjá Kletti. Fulltrúar Kletts fengu tækifæri til að prófa vélina í Danmörku fyrr á þessu ári og var það niðurstaða þeirra að hún stæðist allar væntingar og gott betur.

Lesa meir
24 júlí, 2020

Finnbogi Þórarinsson til liðs við Klett.

Klettur festi nýverið kaup á starfsemi FS Mótor ehf. af Finnboga Þórarinssyni, stofnanda og eiganda fyrirtækisins, sem jafnframt hefur hafið störf á þjónustuverkstæði afl- og vinnuvéladeildar Kletts.

Lesa meir
29 maí, 2020

Leikföng fyrir framtíðar CAT aðdáendur

Eigum til ýmsa gjafavöru fyrir unga sem aldna CAT aðdáendur í verslun okkar í Klettagörðum 8-10.

Lesa meir
24 apríl, 2020

Magni öflugasti dráttarbátur landsins

Magni nýr dráttarbátur Faxaflóahafna er 32 metra langur, 12 metra breiður og með tvær 2525 kW (3,386 HP) Caterpillar aðalvélar og tvær Caterpillar C4.4 rafstöðvar

Lesa meir
8 apríl, 2020

Frí netnámskeið hjá Caterpillar University til 31.maí

The Caterpillar University Online Campus býður viðskiptavinum Kletts upp á frí netnámskeið til 31.maí 2020

Lesa meir

Staðsetningar