Um 40 Scania vörubílar og strætisvagnar í nýjustu metanútfærslu eru nú komnir í notkun hér á landi.

,,Þessir bílar eru nýjasta kynslóð metanbíla og enn umhverfismildari og hagkvæmari en eldri gerðir þessara stóru bíla sem stóðu sig samt mjög vel. Við finnum fyrir auknum áhuga á nýjustu metanbílunum frá fyrirtækjum hér á landi. Sorphirðan í Reykjavík er með fjölda nýrra Scania metanbíla og á Akureyri og í Reykjavík eru nýjustu metan strætisvagnarnir frá Scania. Þó nokkur fyrirtæki hafa verið að fá afhenta metan vöru- og flutningabíla undanfarið,” segir Bjarni Arnarson, sölu- og markaðsstjóri Kletts, sem er umboðsaðili fyrir Scania á Íslandi.

Bjarni segir að nýju metanbílarnir séu í svokölluðum 16-40 tonna flokki vöru- og flutningabíla sem er algengastur. ,,Nýju bílarnir eru að koma með auknu afli samhliða því að spara enn meira eldsneyti en áður. Þeir koma með þremur stærðum af metanvélum sem skila 280, 340 og 410 hestöflum. Tvær þær fyrrnefndu eru 9 lítra en stærsta vélin er 13 lítra. Togið hefur aukist mjög í þessari nýjustu kynslóð metanbílanna og er nú frá 1350 allt upp í 2000 Nm sem gerir þessa vinnuþjarka geysilega öfluga.”

Scania vann á dögunum hin virtu „Green Truck“ verðlaun og er það fjórða árið í röð sem atvinnubílaframleiðandinn nær þeim stórgóða árangri. Framkvæmdastjórn ESB hefur staðfest að Scania stendur sig best meðal stórbílaframleiðenda í að draga úr losun koltvísýrings.

,,Scania hefur unnið mjög markvisst í því að draga úr losun koltvísýrings og þessar niðurstöður eru mjög ánægjulegar. Við finnum fyrir því að viðskiptavinir eru mikið að spá í umhverfissjónarmið og ekki síður rekstrarlega hagkvæmni og í báðum þessum flokkum er Scania að standa sig gríðarlega vel. Metan er mjög góður kostur fyrir fyrirtæki sem geta með því valið íslenska framleiðslu sem orkugjafa og minnkað kolefnissporið allt að 80% um leið. Metanbílar eru umhverfismildari en t.d. dísilbílar og þá er einnig stór kostur að þeir eru hljóðlátari þannig að hljóðmegnunin er einnig minni af þeim,” segir Bjarni.

Scania býður einnig upp á rafknúna atvinnubíla sem og tengiltvinnbíla (plug-in hybrid) en Bjarni segir að metanið sé að fá mestu athyglina í þessum stórbílaflokki um þessar mundir. ,,Stórum sendibílum í metanútfærslu er einnig að fjölga og við erum að fá meira af þeim hingað. Þetta eru spennandi tímar á atvinnubílamarkaði og nóg um að vera,” segir Bjarni ennfremur.

Sjá fleiri fréttir

16 ágúst, 2021

Vantar þig lyftara?

Eigum von á 1,8 og 2,0 tonna lyfturum í hús. Mjög vel útbúnir lyftarar. Kynntu þér málið og hafðu samband við Gunnar sölustjóra í s: 590 5135

Lesa meira
4 ágúst, 2021

Nýjustu Scania metanbílunum fjölgar á Íslandi

Um 40 Scania vörubílar og strætisvagnar í nýjustu metanútfærslu eru nú komnir í notkun hér á landi. Nýju bílarnir eru að koma með auknu afli samhliða því að spara enn meira eldsneyti en áður.

Lesa meira
30 júlí, 2021

CAT hlaðið plan

Við hlöðum upp fyrir verslunarmannahelgina, og þar sem engar útihátiðar eru leyfðar hvers vegna ekki að taka rúntinn með fjölskylduna í gegnum planið hjá okkur í Klettagörðum.

Lesa meira
25 júní, 2021

Afhending á þremur tækjum til Bjössa ehf.

Stór dagur hjá Bjössa ehf. þar sem þeir Bjössi, Skúli og Haukur komu og tóku á móti þremur nýjum tækjum. Scania G450 XT, CAT valtar og CAT hjólagröfu.

Lesa meira
23 júní, 2021

ESB staðfestir yfirburði Scania í eldsneytisskilvirkni

Fjögur ár í röð hefur Scania unnið hin virtu „Green Truck“ verðlaun. Nú staðfesta tölur frá framkvæmdastjórn ESB að Scania er langbest meðal stórbílaframleiðenda í að draga úr losun koltvísýrings.

Lesa meira
8 júní, 2021

Afhendingar í maí

Það má segja að markaðurinn hafi tekið vel á móti nýju kynslóðinni af CAT vinnuvélunum og höfum við verið að afhenda töluvert af þeim upp á síðkastið.

Lesa meira
11 maí, 2021

Afhending á 352 NG Premium til Fossvéla

Fossvélar komu og tóku á móti CAT 352 premium vél um daginn, vélin fór beint í vinnu í Ingólfsfjallið með ripper enda mikið um að vera á Suðurlandi og til þess þarf efni.

Lesa meira
15 apríl, 2021

Afhending á CAT 340 premium til G Hjálmarssonar Akureyri

G Hjálmarsson Akureyri fékk afhenta hjá okkur CAT 340 HDHW premium beltagröfu sem er ríkulega útbúinn.

Lesa meira