Caterpillar vélar og tæki

• Scania
• Catepillar
• Kranar og gámakrókar
• Ábyggingar og vagnar
• Snjótennur og plógar
• Lyftarar – MCFE
• Lyftarar – Combilift og Aisle-Master
• Ingersoll Rand Loftpressur
• Virkjanabúnaður
• Tímarit
• Perkins Vélar og Rafstöðvar
• Perkins Sabre
• Olympian rafstöðvar
• Merkja- og Gjafavara

KLETTUR umboðsaðili Caterpillar á Íslandi býður upp á fjölbreytt vöruúrval á vinnuvélum, bátavélum og rafstöðvum hvort heldur er til sjós eða lands. Caterpillar vinnuvélar hafa komið við sögu allra stórframkvæmda á sviði jarðvinnu hérlendis, og einnig áttu Caterpillar aðal- og ljósavélar  stóran þátt í vélvæðingu fiskiskipaflotans á sínum tíma.   Þar sem áreiðanleikinn skiptir öllu máli treysta menn á Caterpillar.

Bátavélar og Rafstöðvar

Beltagröfur

CAT framleiðir bæði hjóla- og beltagröfur. Beltagröfur eru frá 12-85 tonn að vinnuþyngd. Allar þessar gröfur eru boðnar með mismunandi gerðum af bómum, gröfuörmum, spyrnum, hraðtengjum og skóflum, allt eftir þeim verkefnum sem þeim er ætluð.

Jarðýtur

CAT sækir uppruna sinn til smíði á landbúnaðartækjum, jarðýtum og dráttartækjum. Þessi reynslubrunnur kemur glögglega fram í þeim yfirburða tækjum sem jarðýturnar frá CAT eru. CAT ýturnar eru fáanlegar frá 7-105 tonn að vinnuþyngd. Margs konar gerðir af undirvögnum eru í boði ásamt mismunandi útfærslum af tönnum og riftönnum.

Hjólaskóflur

CAT hjólaskóflur eru frá 11-195 tonn að vinnuþyngd. Þessir ódrepandi vinnuþjarkar hafa fyrir löngu sannað gildi sitt við erfiðar aðstæður bæði hér á landi og erlendis. Margar gerðir af skóflum og öðrum fylgi- og valbúnaði eru á boðstólum með þessum tækjum.

Liðstýrðir trukkar og námubifreiðar

Í þessari línu frá CAT eru bæði liðstýrðir trukkar Búkollur og hefðbundnar námubifreiðar. Búkollurnar hafa burðargetu frá 24-40 tonn en námubifreiðarnar 37-400 tonn. Margs konar valbúnaður er á boðstólnum fyrir þessi tæki eins og aðrar vinnuvélar frá CAT.

Skotbómulyftarar – Traktorsgröfur og hjólagröfur

Traktorsgröfur, skotbómur og hjólagröfur eru fáanlegar í mörgum gerðum og í mismunandi útfærslum, t.d. með aldrif, opnanlegum skóflum, hraðtengjum, skófludempurum, göfflum, aflskiptingu og stjórntækjum með hjálparafli allt eftir þeim verkefnum sem þeim er ætluð.

Minigröfur og vélar

Mikið úrval af minigröfum sem henta vel í smærri verk. Þær eru einfaldar og auðveldar í notkun og hægt er að fá mikið úrval af aukahlutum fyrir þær.

Vegheflar

CAT vegheflar eru þekktir um allan heim fyrir endingu og hagkvæman rekstur. Þetta góða orðspor hefur tryggt yfirburða endursöluverð þeirra og markaðsstöðu um allan heim. CAT heflar eru boðnir bæði með og án framdrifs og eru frá 11-64 tonn að vinnuþyngd. Margs konar valbúnaður er í boði, sérsniðinn að þörfum hvers og eins.